Սիրուշ Դունամալյանի Հիշատակին

Կյանքից հեռացավ հանրապետության վաստակավոր բժիշկ, մանկաբույժ Սիրուշ Սահակի Դունամալյանը: 1943-1948թթ. գերազանցությամբ ավարտելով Երևանի բժշկական ինստիտուտը, անմիջապես աշխատանքի անցավ Ստեփանավանի շրջանային հիվանդանոցում որպես մանկաբույժ:

Աշխատանքային տարիների ընթացքում պրակտիկ բժշկի փորձ ձեռք բերեց և դարձավ հմուտ մասնագետ: Եվ պատահական չէր, որ 1965-ին նրան շնորհվեց վաստակավոր բժշկի կոչում: 1966-ին Ս.Դունամալյանին վստահվեց «Արզնի» մանկական առողջարանի գլխավոր բժշկի պաշտոնը: Նրա տքնաջան, նվիրված աշխատանքի շնորհիվ առողջարանը դարձավ հանրապետության օրինակելի բուժհիմնարկներից մեկը, որի կոլեկտիվը բազմիցս պարգևատրվել է դիպլոմներով ու շնորհակալագրերով:   Նկատի ունենալով Ս.Դունամալյանի աշխատանքային մեծ փորձը, նա նշանակվեց հանրապետության գլխավոր մասնագետ` առողջարանային գործի կազմակերպման գծով: Սակայն վաստակաշատ մանկաբույժի ամենամեծ գնահատականը հարյուրավոր շնորհակալական նամակներն են  և աշխատանքային ընկերների բարձր գնահատականը:

Սիրուշ Դունամալյանի հիշատակը վառ կմնա նրան ճանաչողների սրտերում:

Հարցեր, պատասխաններ, մեկնաբանություններ